Este trimestre non me foi posible publicar coa frecuencia que eu desexaba así que resumireivos nesta entrada algunhas cousiñas que foron pasando na aula.
Tardamos varias semanas en facer a primeira foto de grupo porque sempre nos faltaba alguén pero a mediados de outubro conseguímolo:
Coa profe Marina festexamos a vendima:
Ademáis de probar as uvas, degustamos outros froitos típicos do outono:
Granada, chirimoya e caqui.
E non nos podemos olvidar da castaña e a festa do magosto. Votade unha ollada AQUÍ.
Outra das festas que tivemos foi o Samaín. Moitísimas grazas pola vosa colaboración tallando cabazas e
aportando comida e agasallos para a festa. Pasámolo de medo.
E na biblioteca tivemos unha contacontos que nos deu a coñecer a historia de "A bruxa regañadentes".
Pero para conto o que nos tiñan preparado a profe Isis e os rapaces e rapazas de cuarto de primaria, unha historia chea de efectos sonoros que nos fixeron tremer de verdade.
Tamén estivemos a traballar algo de vocabulario relacionado coas hortalizas, as froitas e os animais. Neste tema profundizamos algo máis e aprendemos unha chea de cousas sobre elefantes, rinocerontes, gacelas, crocodilos, hipopótamos e mesmo avestruces. Grazas a profe Loli tivemos a oportunidade de tocar un auténtico ovo de avestruz, son enormes.
Xa vedes, non paramos un segundo.
